කාන්තාවකට රට පනින්න උදව් දුන් නිලධාරීන්ට වැඩ වරදී.
2012 වසරේ ගුවන් තොටුපලේ සිදුකළ සොරකමක් සම්බන්ධයෙන් අලූත්ගම - දර්ගා නගරයේ පදිංචිකාරිනියක් වන 57 හැවිරිදි අදාළ කාන්තාවට විදේශ ගමන් තහනම් කරමින් මීගමුව අධිකරණය නියෝගයක් ලබාදී තිබුණා. කෙසේ වෙතත්, මෙම කාන්තාව පෙරේදා සෞදි අරාබිය බලා යාමට ගුවන් තොටුපලට පැමිණ තිබෙනවා. එම අවස්ථාවේදී සැකකාර ආගමන විගමන නිලධාරීන් දෙදෙනා ඇයට ගුවන් ගතවීමට උපකාර කර ඇති අතර, රාජ්‍ය බුද්ධි තොරතුරු ඒකකයේ නිලධාරීන්ට ඇතිවු සැකයක් මතයි මෙම කාන්තාව අත්අඩංගුවට ගැනුනේ.
පසුව ඇගේ ලිපිලේඛණ පරීක්ෂා කිරීමේදී හෙලි වී ඇත්තේ මෙම කාන්තාවට විදේශ ගමන් තහනම් කරමින් අධිකරණ නියෝගයක් පවතින බවයි. ඉන් අනතුරුවයි අදාළ ආගමන විගමන නිලධාරීන් දෙදෙනා අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන ඇත්තේ.
