සිංහ දෙනුවන් 14 දෙනෙකුට හසුවී දිවි ගලවාගත් ඇත් පැටව


තමන් ගොදුරු කරගැනීමට පැමිණි සිංහදේනුවන් 14 දෙනෙකු හා සටන් වැද දිවි ගලවා ගැනීමට තරුණ ඇත් පැටවෙක් සමත් විය.
සැම්බියාවේ දකුණු ලූගන්වා ජාතික වනෝද්‍යානයේ සිටි සංචාරකයින්ගේ කැමරා ඇසෙහි මේ දුර්ලභ දසුන සටහන් වුනි.
තම පිට මත නැගීගෙන නියපහුරු මසට කාවද්දමින් වියරුවෙන් මෙන් හැසිරෙන සිංහ දේනුවන් ගසා දමමින්, ඔවුන්ට හොඬවැලෙන් හා පාදවලින් ප්‍රහාර එල්ල කරමින් ඇත් පැටවා විනාඩි 3 ක් පමණ කාලයක් ගත කළේය.

සිංහදේනුවන්ද සටන අත්හැරියේ නැත.
හදිසියේම ඇත්පැටවාට ගණ දෙවි නුවණ පහළවූ සෙයක් පෙනුනි.වහ වහා අසළ වූ දියවළ වෙත දිවගිය ඇත් පැටවා එහි ගිලූණේය.
එසේ වුවද සිංහදේනුන්ගෙන් ඇතැම්හු දියේ කිමිද ගොදුර කරා ළගා වීමට උත්සාහ කළහ.නමුත් එය සාර්ථක නොවූ තැන ඔවුහු පසුබැස්සහ.
දියවළෙන් නැගිට ගත් පැටවා කන්පෙති සලා කුංචනාද කොට තම ජයග්‍රහණය පෙන්වා සිටියේය.සිංහදේනුවෝ පරාජිතව එදෙස බලා සිටියහ.









Popular posts from this blog

බිඳුණු කන්‍යාපටල සෑදීම දැන් ලංකාවේදී

ගුරුවරියන්ට බුරිය වසනු මහ ඇමතිගෙන් නියෝගයක්