අලුත්ම කටකථා

හෘදයාබාධ රෝගී තත්ත්වයක සිට මීට වසර 8 කට පෙර සුවවූ පුද්ගලයෙකුගේ ඡායාරූපයක් ඇතුළත් කර ටිකට්පත් මුද්‍රණය කර වංචනික ලෙස මුදල් ඉපයූ පුද්ගලයන් තුන්දෙනෙකු දඹුල්ල පොලීසිය ඊයේ (17) අත්අඩංගුවට ගෙන තිබෙනවා. ඒ, අදාළ පුද්ගලයන් මෙම ටිකට් පතෙහි මුද්‍රිත ඡායාරූපයේ සිටින පුද්ගලයාටම බස් රථයක් තුළදී ටිකට්පත විකිණීමට ගිය අවස්ථාවේදියි.

හිටපු ජනපති මහින්ද රාජපක්ෂ මහතා ලබන මහ මැතිවරණයේදී ශ්‍රීලනිප අගමැති  අපේක්ෂක විය යුතුයැයි බියගම ශ්‍රිලනිප මධ්‍යම බල මණ්ඩලට ඊයේ (17)  ඒකමතිකව යෝජනාවක් සම්මත කළේය.

සබරගමුව සරසවියේ ශිෂ්‍යාවක් සිය නිවසේදී ගෙළ වැළලාගෙන මිය යාම සම්බන්ධයෙන් පරීක්ෂණයක් ආරම්භ කර ඇති බව පොලිස් මාධ්‍ය ප‍්‍රකාශක කාර්යාලය පවසනවා.

හිටපු සෞඛ්‍ය අමාත්‍ය තිස්ස අත්තනායක මහතා සිංගප්පූරුව බලා පිටත්ව ගොස් තිබෙනවා.

ශ‍්‍රී ලංකාව තුළ මේ වන විට නිර්මාණය වී ඇති නව වාතාවරණය තුළ පැහැබර අනාගතයකට බලාපොරොත්තු තැබිය හැකි බව ඇමරිකාව පවසනවා.

මාධ්‍යවේදී ලසන්ත වික‍්‍රමතුංග, භාරත ලක්ෂ්මන් පේ‍්‍රමචන්ද්‍ර ඇතුලූ බොහෝ ඝාතන සඳහා වගකිව යුත්තේ හිටපු ආරක්ෂක ලේකම් ගෝඨාභය රාජපක්ෂ බව පාර්ලිමේන්තු මන්ත‍්‍රී මර්වින් සිල්වා පවසනවා.

බත්තරමුල්ලේ සෙත්සිරිපාය අමාත්‍යංශ සංකීර්ණයෙන් ඉවත් කිරීමට සැලසුම් කළැයි කියන ලිපිගොණු තොගයක් සුනිල් හඳුන්නෙත්ති මන්ත්‍රීවරයාගේ පරීක්ෂාවට භාජනය විය.

සමන්ත කුමාර නොහොත් වෙළේ සුදා පාකිස්තානයේදී අත් අඩංගුවට ගෙන කොළඹට ගෙන ආ බව පොලිස් මාධ්‍ය ප්‍රකාශක කියයි. හෙරොයින් මත් කුඩු ජාවාරම් සම්බන්ධයෙන් ඔහු පොලිසියට අවශ්‍යව සිටි බවද පොලිසිය පවසයි. සමන්ත කුමාර විතානගේ නොහොත් වෙළේ සුදා රත්මලානේ මඩෝවිට පදිංචි කරුවකි. මුලින්ම කසිප්පු විකිණූ බව කියන ඔහු හෙරොයින් මත්කුඩු විකිණීමෙන් දෙවසරකදී රුපියල් 18 කෝටියකට ආසන්න වත්කම් හිමිකරගෙන සිටිතියි පොලිසිය අනුමාන කරයි.

හෙට (14) රාජ්‍ය හා බැංකු සේවකයින් සඳහා ලබාදෙන නිවාඩුවට සා‍පේක්ෂව පෞද්ගලික අංශය සඳහා ද නිවාඩු ලබාදෙන්නැයි කම්කරු දෙපාර්තමේන්තුව පෞද්ගලික අංශයේ සේවා යෝජකයින්ගෙන් කාරුණික ඉල්ලීමක් කරයි.

ශ්‍රී ලංකාවේ ජනාධිපතිවරණය සම්බන්ධයෙන් පසු ගිය දින ලෝකයේ රටවල් කිහිපයක්ම  වැඩි වශයෙන් කතාබහට ලක්විය. ඒ අතරින් ඉන්දියාව, ජපානය, චීනය වැනි රටවල් ගැන  ලංකාව සම්බන්ධකර ගනිමින් විවිධ ආකාරයේ කතා සමාජය තුළ වැඩි වශයෙන් මාතෘකාවක් වශයෙන් කතා බහට ලක්වුණි. චීනය සම්බන්ධයෙන් කතා බහට ලක්වුයේ චීනයෙන් වැඩි වශයෙන් ආධාර හෝ ණය මුදල් රැගෙන ලංකාව චීන කොළණියක් බවට පත්වීමට  යන උත්සාහයක් සම්බන්ධයෙන් විපක්ෂයේ  සිටින විවිධ වු පුද්ගලයින්ගේ  විවේචනයට ලක්වීමයි.

සාම්ප්‍රදායික ගමනට විරුද්ද ගමනක් යන කට්ටියක් ඉන්නවා. ඒ කට්ටිය කවුද කියලා දැනගනිමු රට වට කර බැන්දත් කට වට කර බදින්න බැරි වැට නැති කටෙන්. රෙජිනෝල්ඩ් කුරේ අපේ රටේ දේශපාලනයේ පෙර නොවූවිරු ගමනක්. ප්‍රශ්න කෝටියක් මතුවෙන්න පුළුවන්. සම්ප්‍රදායික අයට නොයෙකුත් සම්ප්‍රදායික ප්‍රශ්න මතුවෙන්න පුළුවන්. ඒ සම්ප්‍රදායික ගමනට එරෙහි ගමනක් අපි යන්නේ.

14 හැවිරිදි පාසල් දැරියක් අපයෝජනයට ලක්කිරීම සම්බන්ධයෙන් අධි චෝදනා ලැබ සිටින අකුරැස්ස ප‍්‍රාදේශීය සභාවේ හිටපු සභාපති සාරුව ලියනගේ සුනිල් අත්අඩංගුවට ගන්නා ලෙස කොළඹ මහාධිකරණ විනිසුරු දේවිකා තෙන්නකෝන් අද වරෙන්තු නිකුත් කළා. ඒ, ඇපමත මුදාහැර සිටින විත්තිකාර හිටපු සභාපතිවරයා නඩුවට අදාළව අද අධිකරණයේ පෙනී නොසිටීම හේතුවෙන්.

අද පස්වරු 6 න් පසුව කොළඹ - මිගමුව මාර්ගය වසා දැමීමෙන් පසුව කොළඹ - කටුනායක අධිවේගී මාර්ගයේ වාහන ගමන් කළ හැකි උපරිම වේගය පැයට කිලෝමීටර 70ක් බව පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරී අජිත් රෝහණ ප‍්‍රකාශ කළා.

සර්ව පාක්ෂික රජයක් පිහිටුවීම සඳහා ශ්‍රී ලංකාවේ සියලු දේශපාලන පාක්ෂිකයින්ට ආරාධනා කරන බව මහනුවර දළඳා මාළිගයේ පත්තිරිප්පුවේ විශේෂ පීඨිකාවක සිට ජාතිය අමතමින් ජනපති මෛත්‍රිපාල සිරිසේන මහතා ඉල්ලීමක් කළේය.

ජනාධිපති ධුරයට පත්වූ මෛත‍්‍රීපාල සිරිසේන 1951 සැප්තැම්බර් 2 වන දින පොළොන්නරුව - පුලතිසිපුර - ලක්උයන ගොවිජනපදයේ උපත ලැබූ අතර සහෝදර සහෝදරියන් 12 දෙනෙකුගෙන් යුත් පවුලේ වැඩිමලායි. ඔහු පොළොන්නරුව තෝපාවැව විද්‍යාලයෙන් සහ පොළොන්නරුව රාජකීය විද්‍යාලයෙන් අධ්‍යාපනය ලැබුවා. නව ජනාධිපති මෛත‍්‍රීපාල සිරිසේනගේ පියා දෙවන ලෝක යුද සමයේ හමුදා නිළධාරියෙකු වූ අතර මව ගුරු මාතාවක්.

මහින්ද රාජපක්ෂ මහතා අද පෙරවරු 6.30 ට පමණ අවසන් ප්‍රතිපලට නිකුත්වීමටත් ප්‍රථම කොල්ලුපිටියේ පිහිටි අරලියගහ මන්දිරයෙන් පිටව ගියා. එහිදී වසර ගණනාවක් තමන් සමග සේවය කළ අරලියගහ මන්දිරයේ කාර්ය මණ්ඩලයට ස්තුති කිරීමට රාජපක්ෂ මහතා අමතක නොකළ අතර  පසුව ජනාධිපති ලේකම් කාර්යාලයට පැමිණි මහින්ද රාජපක්ෂ මහතා මැති ඇමතිවරුන්ට ස්තුතිය පුද කළා.

සාර්ථක සහ සාමකාමී මැතිවරණයක් පැවැත්වීම පිළිබදව ශ‍්‍රී ලංකාවට ඇමරිකානු ජනාධිපති බැරක් ඔබාමා තම ප‍්‍රසාදය පළ කර තිබෙනවා. එමෙන්ම සුගම ලෙසින් බලය හුවමාරු වීම පිළිබදව ද ඔහු ප‍්‍රශංසා කළා. ඇමරිකානු ජනාධිපතිවරයා නිවේදනයක් නිකුත් කරමින් කියා සිටියේ ශ‍්‍රී ලංකාවේ මෙවර ජනාධිපතිවරණය ඒ සඳහා වූ වැදගත්කමින් ඔබ්බට යන්නක් බවයි.

ඉන්දියාවේ තමිල්නාඩු ප‍්‍රාන්තය නියෝජනය කරන ඞී.එම්.කේ පක්ෂයේ නායකත්වයට මුත්තුවේල් කරුණානිධි අද යළි පත් කර ගෙන තිබෙනවා.