පසුගිය දා නාය යෑමට ලක් වූ හල්දුම්මුල්ල කොස්ලන්ද මීරියබැද්දේ ඛේදවාචකයේ වරද එකිනෙකා පිට පටවා ගනිති. ඇත්තටම වරද රජයේ ද, නිලධාරීන්ගේ ද, විපක්ෂයේ ද, එහි වාසයකළවුන්ගේද නැතිනම් ඉරිතැලූ මහ පොළොවේද? මේ ඒ ගැන කෙරෙන සොයා බැලීමකි. කොස්ලන්ද වත්තේ නාය යෑමේ තර්ජනයක් ගැන මුලින්ම දැනුම් දී ඇත්තේ 2005 වසරේ දී ය. ඒ අනුව එම ගම්වාසීන්ට ඉවත්ව යන ලෙස දැනුම් දී ඇත. ගම්වාසීන් කියන ආකාරයට ඔවුන්ට ප්රමාණවත් නිවාස නොලැබුණු නිසා ඔවුන් එතැනම පදිංචිවී සිට ඇත.